Qazaxıstanda təhsil sistemi bir çox ölkələr kimi ənənəvi şəkildə qurulmuşdur.
Belə ki, məktəbəqədər təhsil, ibtidai və orta məktəb, peşə, ali və doktorantura səviyyələri mövcuddur.
- ALİ TƏHSİL
Məzunlar orta məktəb və ya peşə məktəbi, lisey və ya kollecin 11-ci sinfini bitirdikdən sonra Qazaxıstandakı institutlara, universitetlərə, akademiyalara və onlara bərabər tutulan təhsil müəssisələrinə daxil ola bilərlər.
Qazaxıstanda əyani və distant təhsil sistemi mövcuddur. Qiyabi təhsil sistemi Qazaxıstanda yoxdur.
Ali təhsil bakalavriat, magistratura və doktorantura dərəcələrində olur.
Bakalavriat dərəcəsi almaq üçün təhsil kursu 4 il, Magistratura daha 1 il, Doktorantura dərəcə isə 2 il olur. İkinci ali təhsili 2-3 il ərzində sürətləndirilmiş rejimdə əldə etmək olar.
Qazaxıstanda illik təhsil haqqı 650000KZT (1300$) -dan başlayır, ən yüksək illik təhsil haqqı 6000000KZT (12000$)-a qədər təşkil edir.
Universitetlərdə təhsil ənənəvi Bolonya sistemi üzrə həyata keçirilir və ölkə rəhbərliyi milli təhsil proqramlarının beynəlxalq səviyyədə tanınması, tələbə və müəllimlərin mobilliyinin təmin edilməsi, eləcə də tədris prosesinin keyfiyyətinin yüksəldilməsi istiqamətində səmərəli işlər aparılır.
- QAZAXISTAN UNİVERSİTETLƏRİNƏ NECƏ DAXİL OLMAQ OLAR?
Qazaxıstanın təhsil müəssisəsinə daxil olmaq və ali təhsil almaq üçün məktəb və ya kollec təhsilini başa vurduğunu təsdiq edən sənədə malik olmalısız. Əsas tələblər abituriyentin əsas fənlər sahəsində biliyinə və peşəyə yiyələnməyə hazır olmasına aiddir. Qazaxıstan universitetinə qəbul proseduru aşağıda təsvir olunan alqoritmə uyğun aparılır.
- UNİVERSİTETLƏRİN SEÇİLMƏSİ
Qəbul üçün universitet seçərkən ilk növbədə abituriyentin mənimsəməyi planlaşdırdığı ixtisasa əsaslanmalıdır. Çoxlu sayda beynəlxalq və milli universitetlər vardır.
Bunların sayi 120 yə yaxındır. Universitet proqramlarının beynəlxalq səviyyədə tanınması və diplomun xaricdə qiymətləndirilməsi optimal olardı. Təhsilin qiymətini qiymətləndirmək və qiymət baxımından münasib olan texniki, pedaqoji, tibb və ya digər universitet seçmək lazımdır. Təhsilin formatını (üz-üzə və ya distant təhsil) nəzərdən keçirməyə, fənlərin hansı dildə tədris olunduğunu öyrənməyə və ən uyğun variantı seçmək lazımdır.
- QƏBUL ÜÇÜN SƏNƏDLƏRİN HAZIRLANMASI
Universitetə qəbul üçün tələb olunan sənədlərin siyahısı hər bir qurum tərəfindən fərdi olaraq müəyyən edilir. Ona görə də bu məlumat şöbədən tələb olunmalı və ya qurumun rəsmi saytından götürülməlidir. Ümumiyyətlə, ərizəçi üçün əsas sənədə aşağıdakılar daxildir:
Ali təhsil müəssəsinə qəbul üçün ərizə:
- Qəbulun aparıldığı təhsil haqqında sənədin əsli (attestat, diplom).
- 4×3 sm ölcüdə 6 ədəd fotoşəkil.
- Sınaq sertifikatı (əyər varsa, İltes, Toefl).
- Səhiyyə naziri tərəfindən təsdiq edilmiş, 075 və 086 nömrəli tibbi arayış.
- Xarici pasport.
www.erudit.edu.az saytina daxil olmaqla və [email protected] elektron ünvanına suallar göndərməklə bütün suallara ən qısa müddətdə cavab ala bilərsiniz.
