• MƏDƏNİYYƏT

Qazaxıstan zəngin tarixə və mədəniyyətə malik çoxmillətli ölkədir. Siz hər biri yerli mədəniyyətin və adət-ənənələrin formalaşmasında öz töhfəsini vermiş qazax, rus, özbək, türkmən və digər xalqları tanıyacaqsınız.

• QONAQPƏRVƏRLİK

Qazaxıstanlılar qonaqlara səmimi münasibəti və mehriban münasibəti ilə tanınırlar. Bu ölkədə özünüzü evinizdəki kimi hiss edəcəksiniz.

• İQLİM VƏ TƏBİƏT

Qazazaxıstan ərazi böyüklüyünə görə dünyada doqquzuncu yerdə qərarlaşır. Ərazi dağlar, çöllər, caylar, göllər və səhralar da daxil olmaqla müxtəlif mənzərələri olan geniş bir ölkədir. Qazaxıstan ərazisi cox geniş olduğundan iqlim də müxtəlifdir. Belə ki, Cənubda Almaata, Şimkənd, Qərbdə Aktau vilayətlərində yayda havanın temperaturu 35- 38 dərəcə isti, qışda isə -5 +15 dərəcə oldugu halda.

Şimal və şərqdə, Astana, Pavlodar, Şərqi Qazaxıstan vilayətlərində yayda 30- 35 dərəcə isti, Qişda isə -10 -30 dərəcə soyuq iqlim şəraiti olur.

Qazaxıstanda gəzmək ücün çoxsaylı yerlər var. Gəzməyə dəyər yerlər arasında Almata dağ kurortları, Aktau və Atrau şəhərində Xəzər dənizinin sahilləri, Balxaş gölü və Charyn Kanyonu var.

• DİLLƏR

Qazaxıstanın rəsmi dili qazax dilidir, lakin rus dili də geniş şəkildə danışılır və əhalinin əksəriyyəti tərəfindən başa düşülür. Qazax dili türk dil qrupuna daxil oldugu üçün Azərbaycanlı tələbələr bu dili tez öyrənəcəklər.

Alma-Ata, Astana kimi böyük şəhərlərdə ingilis dili xüsusilə gənclər arasında və təhsildə populyardır.

• YEMƏKLƏR

Qazaxıstan mətbəxi müxtəlif və dadlıdır. Plov, laqman, mantı, xəngəl, beşbarmak, kurduk və kabab kimi yeməkləri dadmağı unutmayın. Qazaxıstanda həmçinin müxtəlif dünya mətbəxlərindən yeməklər təklif edən bir çox restoranlar var. Qiymətlər Azərbaycana nisbətən cox aşağıdır.

• NƏQLİYYAT

Qazaxıstanda şəhərlərarası təyyarə, şəhərdə və şəhərlərarası  avtobuslar, trolleybuslar və metro da daxil olmaqla yaxşı inkişaf etmiş ictimai nəqliyyat sisteminə malikdir. Ucuz qiymətə taksilər də mövcuddur.

• TƏHLÜKƏSİZLİK

Qazaxstan Mərkəzi Asiyanın ən təhlükəsiz ölkələrindən biri hesab olunur. Bununla belə, hər yerdə olduğu kimi, diqqətli olun və əsas təhlükəsizlik qaydalarına əməl edin.

www.erudit.edu.az saytina daxil olmaqla və [email protected] elektron ünvanına suallar göndərməklə bütün suallara ən qısa müddətdə cavab ala bilərsiniz.